Panton Aceh Lawak, Sedih, dan Kecewa; Jak U Blang

Panton Aceh keu gura-gura

Jak U blang

Meuno keuh ban nyoe di gampong

Mat goe cangkoi lam uroe kha
Catok tanoh gulong-gulong
peugot neulhong nak seumula

Teubit reu-oh trok lam hidong
Bulut baje lon reu-oh meubura
Ija bak taku ulon sinthong
Di ija krong rap deuh boh pha

Ma sidara jak bak ateung
Kuah boh trung dalam raga
Bu teukulah asam udeung
Nyan peukateun lon selera

Piyoh cilee hai cut abang
Kheun ma sigam ngon su manja
Kapuleh hek hatee seunang
Duk bak rangkang dua-dua

Teuseungeh teukhem di ma sigam
Pakon abang meunan cara
Neupajoh bu tajam-tajam
Lage lam prang dilet le tentra

Cok saboh ‘ap ulon sulang
Keu ma sigam bek meusuara
Leupah gura cukop kanjai
Ie lam balang tuwoe jiba

Ulon ka- ue meu ie pihtan
Karap pangsan teuglong aneuk mata
Kuah reuboh dalam pingan
Loncok ju nyan teugok sigra

*getthat gura,,ek tuwoe iba ie jep...

karap teuglong aneuk-aneuk mata teuh...khem lom wate tapeugah